امریکی نمائندہ خصوصی زلمے خلیل زاد کی وفد کے ہمراہ وزارتِ خارجہ آمد

اسلام آباد: امریکی نمائندہ خصوصی زلمے خلیل زاد کی وفد کے ہمراہ وزارتِ خارجہ آمد ہوئی جہاں وہ افغان مفاہمتی عمل میں پیشرفت سے آگاہ کریں گے۔

سیکرٹری خارجہ تہمینہ جنجوعہ نے وزارت خارجہ میں امریکی نمائندہ خصوصی زلمے خلیل زاد کا وفد کے ہمراہ آمد پرخیرمقدم کیا۔ زلمے خلیل زاد وزیر خارجہ شاہ محمود قریشی سمیت اعلیٰ سیاسی وعسکری قیادت سے ملاقاتیں کریں گے۔

امریکی نمائندہ خصوصی افغان مفاہمتی عمل میں پیشرفت سے بھی آگاہ کریں گے۔ مذاکرات میں افغان امن عمل سمیت خطے میں امن وامان کی صورتحال پر تبادلہ خیال کیا جائے گا۔