نواز شریف سروسز ہسپتال میں زیر علاج، سابق وزیراعظم کی حالت بدستور خراب

لاہور: میاں نواز شریف کو سروسز ہسپتال میں آج نواں روز ہے، سابق وزیراعظم کی حالت بدستور خراب اور پلیٹ لیٹس میں اتار چڑھاؤ بھی برقرار ہے، مسوڑوں سے خون آنے پردانتوں کی فلنگ کرائی گئی۔

ذرائع کے مطابق میڈیکل بورڈ نواز شریف کو کسی دوسرے ہسپتال منتقل کرنے پر راضی نہیں، بورڈ چاہتا ہے کہ پلیٹ لیٹس بہتر ہونے تک نواز شریف کو سروسز ہسپتال میں رہنا چاہیے، نواز شریف اپنی مرضی سے کسی بھی ہسپتال جا سکتے ہیں، میڈیکل بورڈ نواز شریف کو کسی دوسرے ہسپتال جانے کی رائے نہیں دے گا۔

ذرائع کے مطابق موجودہ میڈیکل بورڈ نواز شریف کی بیماریوں کو بہتر سمجھ سکتا ہے، ہسپتال سے منتقلی کی صورت میں نئے ڈاکٹرز علاج کریں گے، نئے ڈاکٹرز نواز شریف کی بیماری کو سمجھنے میں وقت لگائے گا۔

دوسری جانب مولانا فضل الرحمن آج میاں نواز شریف سے ملاقات کریں گے، مولانا فضل الرحمن نواز شریف کی عیادت کریں گے جہاں وہ آزادی مارچ کے حوالے سے بھی میاں نواز شریف کو آگاہ کریں گے۔

متعلقہ خبریں