آرمی چیف سے امریکی نمائندہ خصوصی زلمے خلیل زاد کی ملاقات

راولپنڈی: آرمی چیف جنرل قمر جاوید باجوہ سے امریکی نمائندہ خصوصی برائے افغان مفاہمتی عمل زلمے خلیل زاد نے ملاقات کی۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف سے زلمی خلیل زاد نے جنرل ہیڈکوارٹرز (جی ایچ کیو) راولپنڈی میں ملاقات کی جس میں علاقائی سلامتی کی صورتحال اور افغان مفاہمتی عمل پر تبادلہ خیال کیا گیا۔

آئی ایس پی آر نے بتایا کہ امریکی نمائندہ خصوصی نے افغان امن عمل کے لئے پاکستان کی کوششوں کو سراہا۔

افغانستان میں دیرپا امن پاکستان اور خطے کے لیے ضروری ہے، وزیرخارجہ

افغانستان میں سیاسی مصالحت کے لیے نیک نیتی سے تعاون جاری رکھیں گے، وزیرخارجہ — فوٹو: شاہ محمود قریشی آفیشل 

قبل ازیں امریکی نمائندہ خصوصی برائے افغان مفاہمتی عمل زلمے خلیل زاد نے وزیر خارجہ شاہ محمود قریشی سے ملاقات کی جس کے دوران اہم امور پر تبادلہ خیال کیا گیا۔

وزارت خارجہ میں ہونے والی ملاقات میں زلمے خلیل زاد نے دوحہ مذاکرات میں ہونے والی پیشرفت سے متعلق شاہ محمود قریشی کو آگاہ کیا۔

وزیر خارجہ شاہ محمود قریشی نے افغان مذاکرات سے متعلق پیش رفت کو سراہا اور کہا کہ افغانستان میں دیرپا امن پاکستان اور خطے کے لیے ضروری ہے۔

وزیر خارجہ کا مزید کہنا تھا کہ افغانستان میں سیاسی مصالحت کے لیے نیک نیتی سے تعاون جاری رکھیں گے۔

View image on TwitterView image on Twitter

Dr Mohammad Faisal

@ForeignOfficePk

FS Tehmina Janjua held talks with US Special Representative for Afghanistan Reconciliation, @US4AfghanPeace on efforts to promote peace and reconciliation in Afghanistan.

72 people are talking about this

اس سے قبل وزارت خارجہ میں پاکستان اور امریکا کے درمیان وفود کی سطح پر مذاکرات ہوئے جس میں امریکی وفد کی قیادت زلمے خلیل زاد اور پاکستانی وفد کی قیادت سیکرٹری خارجہ تہمینہ جنجوعہ نے کی۔