بالی وڈ ہدایت کار مہیش بھٹ پر کنگنا کو چپل سے مارنے کا الزام

بالی وڈ اداکارہ کنگنا رناوت کی بہن رنگولی نے ہدایت کار مہیش بھٹ پر بہن کو چپل سے مارنے کا الزام لگا دیا۔

بالی وڈ میں اداکاراؤں کے درمیان سرد جنگ کا سلسلہ جاری رہتا ہے اور یہ ’جنگ‘ کہیں پیشہ وارانہ حسد تو کہیں نجی معاملات کے باعث چلتی رہتی ہے۔

نیشنل ایوارڈ یافتہ اداکارہ کنگنا رناوت بھی اپنے بیانات کے باعث تنازعات میں گھری رہتی ہیں اور گزشتہ دنوں بھی وہ بالی وڈ میں اقربا پروری پر دیئے گئے بیان کے باعث سرخیوں میں رہی ہیں لیکن اب ایک بار پھر وہ مہیش بھٹ پر تنقید کے بعد خبروں میں ہیں۔

گزشتہ دنوں کنگنا نے عالیہ بھٹ اور رنبیر کپور کو تنقید کا نشانہ بنایا تھا جس پر عالیہ بھٹ کی والدہ سونی رازدان نے ٹوئٹ کر کے اداکارہ کو آڑے ہاتھوں لیا تاہم انہوں نے بعد میں اپنی ٹوئٹ ہٹا دی۔

اداکارہ عالیہ بھٹ کی والدہ کی ٹوئٹ جو ہٹادی گئی ہے— اسکرین گریب 

انہوں نے ٹوئٹ میں کہا کہ مہیش بھٹ کنگنا کو بالی وڈ میں لائے تھے لیکن وہ مسلسل بیٹی عالیہ بھٹ اور ان کے شوہر مہیش بھٹ پر حملے کرتی رہتی ہے اور اس نفرت کے پیچھے ان کا کیا ایجنڈا ہے، مجھے نہیں معلوم؟

Rangoli Chandel@Rangoli_A

Dear Soni ji, Mahesh Bhatt never gave her a break, Anurag Basu did, Mahesh Bhatt ji works as a creative director in his brothers production house….(contd) @Soni_Razdan https://twitter.com/soni_razdan/status/1118151249604440065 

305 people are talking about this

ماضی کی اداکارہ کی اس ٹوئٹ پر کنگنا رناوت کی بہن رنگولی نے جواب دیتے ہوئے مہیش بھٹ پر الزام عائد کر دیا۔

Rangoli Chandel@Rangoli_A

(Contd)…. please note that he doesn’t own that production house, after Woh Lamhe when Kangana refused to do a film written by him called ‘Dhokha where he wanted her to play a suicide bomber he got so upset that he not only shouted at her in his office….. (contd) @Soni_Razdan

200 people are talking about this

رنگولی کا اپنی ٹوئٹ میں کہنا تھا کہ مہیش بھٹ نے نہیں بلکہ انوراگ باسو نے کنگنا کو بریک دیا اور اس وقت مہیش بھٹ اپنے بھائی کے پروڈکشن ہاؤس میں تخلیقی ہدایت کار (کری ایٹو ڈائریکٹر) تھے۔

Rangoli Chandel@Rangoli_A

…. but later when she went for Woh Lamhe preview to a theatre he threw chappal on her, he didn’t allow her to see her own film, she cried whole night …. and she was just 19years old . @Soni_Razdan

420 people are talking about this

ان کا کہنا تھا کہ کنگنا نے فلم ’وہ لمحے‘ کے بعد ’دھوکا‘ میں کام سے انکار کیا تھا جس پر مہیش بھٹ نے سب کے سامنے دفتر میں اُن پر شدید غصے کا اظہار کیا لیکن بعد میں جب کنگنا اپنی فلم ’وہ لمحے‘ تھیٹر میں دیکھنے گئی تو مہیش بھٹ نے ان پر چپل پھینک کر ماری تھی اور انہیں فلم بھی دیکھنے نہیں دی تھی۔

یاد رہے کہ کنگنا رناوت نے فلمی کرئیر کا آغاز 2006 میں فلم ’گینگسٹر‘ سے کیا تھا جس کے بعد اداکارہ نے پیچھے مڑ کر نہیں دیکھا اور اب بالی وڈ کی کامیاب اور سب سے زیادہ معاوضہ لینے والی اداکاراؤں میں سے ایک ہیں۔

کنگنا نے کئی بلاک بسٹر فلموں میں اداکاری کے جوہر دکھائے ہیں اور اب تک 3 نیشنل ایوارڈ اپنے نام کر چکی ہیں۔