محمد رضوان کا احترام، سوشل میڈیا صارفین زینب عباس کے معترف ہوگئے

لاہور (نیوز ڈیسک) پاکستان کرکٹ بورڈ (پی سی بی) کی جانب سے قومی ٹیم کو دیے گئے عشائیے میں زینب عباس انٹرویو کے دوران کرکٹر محمد رضوان کا احترام کرتے ہوئے ان سے بات چیت کیلئے ان کے پیچھے چلی گئیں۔ سوشل میڈیا صارفین زینب عباس کے اس عمل کو سہراتے ہوئے ان کی تعرفیں کررہے ہیں۔ پاکستان کرکٹ بورڈ نے کچھ دنوں قبل 2021ء میں شاندار کارکردگی دکھانے والے کھلاڑیوں کے اعزاز میں ایک تقریب منعقد کی جس کی میزبانی زینب عباسی کررہی تھیں۔دوران تقریب زینب قومی ٹیم کے کھلاڑیوں کے پاس جا کر کچھ سوال کررہی تھیں، اسی دوران جب زینب محمد رضوان کی طرف گئیں تو وہ کرکٹر کی پیٹھ کی جانب ہوگئیں تاکہ رضوان کھل کر بات کرسکیں۔

زینب کے اس عمل کو سوشل میڈیا کی جانب سے کافی تعریف کی جارہی ہے۔واضح رہے کہ چند روز قبل رضوان نے ایک انٹرویو کے دوران خواتین کے ساتھ تصویریں نہ لینے کی وجہ بھی بتائی تھی۔ جب ان سے پوچھا گیا کہ وہ خواتین کے بارے میں اتنا شرمیلے کیوں ہیں تو رضوان نے کہا کہ یہ شرمندہ ہونے کے بارے میں نہیں ہے لیکن کچھ چیزیں ذاتی ہوتی ہیں اور ہر کھلاڑی کی اپنی ذاتی وجوہات ہوتی ہیں۔

متعلقہ خبریں