’کھلاڑیوں کو سہولیات دینا تو دور ہمارا روزگار تک چھین لیا‘

برمنگھم: کامن ویلیتھ گیمز میں سلور میڈل جیتنے والے انعام بٹ کہتے ہیں کہ کھلاڑیوں کو سہولیات دینا تو دور کی بات ہے ہمارا روزگار تک چھین لیا گیا ہے۔

برمنگھم میں گولڈ میڈل فائٹ ہارنے کے بعد ایکسپریس نیوز سے بات کرتے ہوئے انعام بٹ کا کہنا تھا کہ ساری دنیا کھیلوں پر انوائسمنٹ کرکے ہم سے بہت آگے نکل گئی ہے، ہم نیچے جارہے ہیں، بھارتی اتھلیٹس کیلئے جتنا بجٹ رکھا جاتا ہے پاکستان میں تصور بھی نہیں کیا جاسکتا۔

انہوں نے کہا کہ گولڈ میڈل پانے کے لیے جدید سہولیات کا ہونا اہم ہے، بیرون ملک ٹریننگ کا مطالبہ ہر بار کرتا ہوں مگر اس بار بھی پورا نہیں کیا جاتا۔

انعام بٹ نے کہا کہ پاکستان اولمپک ایسوسی ایشن، پاکستان ریسلنگ فیڈریشن، پاکستان اسپورٹس بورڈ سب نے تعاون کیا ہے تاہم ہمیں دوسرے ممالک کی طرح اپنے کھلاڑیوں کو سپورٹ کرنا ہوگا۔

قومی ریسلر کا کہنا تھا کہ حکومت کھلاڑیوں کی ملازمتیں بحال کرنے کے ساتھ کھلاڑیوں کے لیے زیادہ بجٹ مختص کرے تو ہم بھی بہت آگے جاسکتے ہیں۔

متعلقہ خبریں