‘ایل او سی پر بھارتی فائرنگ مقبوضہ کشمیر میں ناکامی کی عکاس ہے’

راولپنڈی:  ڈی جی آئی ایس پی آر میجر جنرل آصف غفور نے کہا ہے کہ ایل او سی پر بھارتی فائرنگ مقبوضہ کشمیر میں ناکامی کی عکاس ہے، ایل او سی پر بھارتی فائرنگ کا موثر جواب دیا جائے گا۔

ڈی جی آئی ایس پی آر میجر جنرل آصف غفور نے سماجی رابطے کی ویب سائٹ پر ٹویٹ کرتے ہوئے کہا بھارت معصوم شہریوں کو مسلسل نشانہ بنا رہا ہے، شہریوں کی حفاظت کو ہر صورت یقینی بنایا جائے گا۔

DG ISPR

@OfficialDGISPR

Increased Indian Cease Fire Violations (CFVs) indicate their frustration due to failure in IOJ&K. CFVs are being & shall always be effectively responded. Pak Army shall take all measures to protect innocent civilians along LOC from Indian firing deliberately targeting them.

4,366 people are talking about this

دوسری جانب پاکستان نے بھارت کو جنگی جنون سے باز آنے کا کہہ دیا۔ بھارتی ڈپٹی ہائی کمشنر کو دفتر خارجہ طلب کر کے ایل او سی کی مسلسل خلاف ورزی پر احتجاج کیا گیا۔ بھارتی ڈپٹی ہائی کمشنر کی طلبی ڈی جی ساؤتھ ایشیا و سارک ڈاکٹر محمد فیصل نے کی۔

ترجمان دفتر خارجہ نے کہا بھارتی افواج نے ایل او سی کے دننا، ڈھنڈیال، جوڑا، لیپا، شاہ کوٹ اور شاردہ سیکٹرز پر منگل کو بلا اشتعال فائرنگ کی، جس سے ایک شہری شہید جبکہ 9 زخمی ہوئے، بھارتی افواج مسلسل شہری آبادی کو بھاری اسلحہ سے نشانہ بنا رہی ہیں، جو انسانی عظمت، بین الاقوامی انسانی حقوق اور قوانین کی خلاف ورزی ہے۔

ڈاکٹر محمد فیصل کا مزید کہنا تھا کہ بھارت کی طرف سے جنگ بندی کی خلاف ورزی علاقائی امن و سلامتی کے لئے خطرہ ہے، بھارت اپنی افواج کو فائر بندی پر مکمل عملدرآمد کا پابند بنائے، ایل او سی اور ورکنگ باونڈری پر امن برقرار رکھے اور اقوام متحدہ فوجی مبصر مشن کو سلامتی کونسل کی قراردادوں کے مطابق کردار ادا کرنے دے۔