کنگنا رناوت کی نئی فلم ‘ججمینٹل ہے کیا’ تنازع کا شکار

مبئی:  بالی وڈ اداکارہ کنگنا رناوت کسی نہ کسی تنازع کے باعث خبروں میں رہتی ہیں تاہم اب ان کی چند روز قبل ریلیز ہونے والی فلم ‘ججمینٹل ہے کیا’ کے بارے میں نیا تنازع کھڑا ہو گیا ہے۔

میڈیا رپورٹ کے مطابق ایک خاتون آرٹسٹ فلورا بورسی نے کنگنا رناوت کی مذکورہ فلم کے ایک پوسٹر کو اپنی پینٹنگ کی نقل قرار دے دیا، فلورا کا تعلق ہنگری سے ہے۔ فلورا کا کہنا تھا کہ فلم ججمینٹل ہے کیا کا پوسٹر ہوبہو نقل کیا گیا ہے، جس کی اجازت بھی نہیں لی گئی اور اس سلسلے میں ان سے رابطہ تک نہیں کیا گیا۔

اس فلم کے ہدایت کار پراکاش کویلا مودی ہیں جبکہ پروڈکشن کا کام ایکتا کپور کی کمپنی بالاجی فلمز کی جانب سے کیا گیا ہے۔ غیرملکی آرٹسٹ کی جانب سے لگائے الزامات پر نہ تو کنگنا نے کوئی ردعمل دیا ہے اور نہ ہی ڈٓائریکٹر یا پروڈکشن کمپنی کی جانب سے جواب دیا گیا ہے۔

متعلقہ خبریں